Wobswětowe kubłanje projekta ma nadawk, w zmysle kubłanja k naslědnosći zajimowanych z hotspot-regionom zeznajomić a jón dožiwić dać. Chcemy docpěć, zo so zamołwiće z wobswětom a jónkrótnosću Hornjołužiskeje hole a hatow wobchadźa.
W zhromadnym dźěle z partnerami a partnerkami regiona přewjedujemy wšelakore poskitki wobswětoweho kubłanja, kotrež přez dalše, nowe realne a digitalne formaty rozšěrjamy.
W času projekta nastawaja nimo toho rozdźělne materialije za wobswětowe dźěło, kotrež so potom w download– wobłuku spřistupnja.
Zešiwk přeprošuje swójby a wšitkich zajimowanych, pjeć wustajeńcow k biologiskej mnohotnosći w hotspotowej kónčinje Hornjołužiska krajina hole a hatow wuskušować. W kóždej wopytanej wustjeńcy dóstanješ nalěpk kotryž wobraz wulkotneje krajiny wudospołni. Prašej so při serwisowej kasy za zběranskim zešiwkom a nalěpkom.
Zběranski zešiwk a nalěpk dóstanješ w tutych wustajeńcach:
Wopytaj přirodowědne wustajeńcy a poskitki w hotspotowej kónčinje Hornjołužiska hola a haty a dóstań dohlady do jónkrótneje flory a fawny tuteje krajiny.
Zešiwk móžeš tež tu downloadować a sam/a wućišćeć:
Zběranski zešiwk (pdf)
Wobswětowe kubłanje w MoSaiKTeiL – projekće běži po principje KNW.
Resursy, rum, krajina: kapacity našeho planeta su wobmjezowane a kóžde zapřimnjenje do žiwjenskich rumow ma wuskutki na mnohotnosć a z tym tež na nas samych. Hač bahna, pěsk, chójny abo haty, naša towaršnosć profituje wot škita a zdźerženja tutych žiwjenskich rumow. Škit přirody a družinow je wažny přinošk ke škitej klimy. Zo by so hódnota mozaikoweje krajiny tež našim přichodnym generacijam zdźeržała, dyrbimy wuknyć, naslědnje žiwi być a myslić. Z KNW měli so ludźo wšitkich starobnych skupin w hotspoće 20 k tomu wukmanić, so za swój region a naslědny swět zasadźeć.
W Hornjołužiskej holi a hatach mamy mnoho wučbnych šćežkow za wopytarjow. Wone wodźa po wšelakich žiwjenskich rumach, po stawiznach přirody a kultury, po domjacej florje a fawnje a po wjele wjace. Přehlad namakaće na projektowej karće.
Za wjetšinu wučbnych šćežkow móžeće sej nimo toho pdf-ku sćahnyć.
Přirodu hotspota wopřimnyć a wjelka, wudru a čaplu na swoje woči dožiwić: Mnoho muzejow přeprošuje k wotkrywanju a so dźiwanju. Z tym wudospołnjeja perfektnje kóždy wulět do mnohotnosće krajiny hotspota. Hač wirtuelna realita abo njechutne dožiwjenje, wustajeńcy su w kóždym počasu wopyta hódne.
Přirodopisny muzej Zhorjelc
Am Museum 1, 02828 Görlitz
Dom tysac hatow
Warthaer Dorfstr. 29,
02694 Malschwitz OT Wartha
Ptačoškitny pawiljon
Park 4, 02699 Neschwitz
Muzej zapadneje Łužicy
Pulsnitzer Str. 16, 01917 Kamenz
Erlichtec dwór Rěčicy
Turnerweg 6, 02956 Rietschen
Zo bychmy młodostnych za hotspotowy region zahorili a je jako pósłancy a pósłanče za biologisku mnohotnosć zdobyli, přewjedźemy kóžde lěto młodźinske lěhwa z wšelakorymi ćežišćemi kołowokoło mozaika bahno, pěsk, chójny a haty. Tu zeznaja a dožiwja mnohotnosć na mnohich ekskursijach, pućowanjach a kolesowanjach přez Hornjołužisku holu a haty. Sposrědkujemy jim, zamołwiće z wobswětom wobchadźeć. Jich zwjazanosć z přirodu a regionom so skruća.
W lěće 2025 přewjedźemy młodźinske lěhwa:
