Zjěć přez 360°-foto a wobhladuj so we wysokim bahnje!
Južnje dróhi mjez Klětnom a Chrjebju leži jedne z wysokich bahnow. Wone su typiske za włóžnu, atlantisku klimu zapadneje Europy. We wuchodnej Sakskej, hdźež mamy skerje suchu, kontinentalnu klimu, su rědka wosebitosć – a tohodla rěkaja Łužiske wysoke bahna.
We Łužiskich wysokich bahnach trjechitej dwě rostlinskej zhromadnosći na so, kotrejž stej hewak daloko wot sebje žiwej: bahnjencowy-chójnowy- bahnowy lěs, kiž je charakteristiski w sewjeru a wuchodźe a zapado-atlantiska zhromadnosć zwónčkateho wrjosa. Bahnjencowy-chójnowy- bahnowy lěs je swětły lěs, w kotrymž chójny mjez mochami a małoróstnymi kerkami rostu a hdźež wonjaty bahnjenc kćěje – typiske za zymne bahna Skandinawiskeje a Sibirskeje. Zwónčkaty wrjós je skerje charakteristiski za wotewrjene, włóžne wysoke bahna zapadneje Europy, hdźež jeho róžojte pucawki mokru pódu wodźěwaja.
Zo mjenowane družiny zhromadnje rostu, je typiske za Łužiske wysoke bahna – žiwjenske rumy, w kotrychž so wliwy z wuchoda a zapada zetkaja. Wosebje skutkowne je bahno mjez Klětnom a Chrjebju nimo toho přez rosmarinowy wrjós, tymjenku a pjeńcu, rostliny, kotrež jenož w mokrej, na wutkach chudej pódźe rostu.