Zjěć přez 360°-foto a wobhladuj so w Minakałskim bahnje!
Ludźo njewobhladowachu něhdy bahno jako bohaty žiwjenski rum, ale skerje jako skład surowiznow. Hač do 1900 wudobywachu z bahna poch jako wažne žórło energije, kotryž sušachu a přetepichu. Tež w Dubrjenskim a mnoho druhich bahnach wokoliny w 19. a 20. lětstotku poch wurywachu. Najprjedy ryjachu hłuboke hrjebje, zo by so bahno wotwódniło. Potom poch podłu wjele paralelnych małych hrjebičkow kałachu, sušachu a wotwožowachu.
Minakałske bahno bu 1983 pod škit přirody stajene. W lěće 2014 zasypachu hrjebje z pódu a zbytkami rostlinow. Z powětra sem móžemy jich běh hišće spóznać. Dźensa bahno přez spadki a dnownu wodu zaso přemoka a so regeneruje. Bahno leži w UNESCO biosferowym rezerwaće Hornjołužiska hola a haty, wosrjedź jadroweho pasma. Wone bu přirodźe přewostajene, zo by so njemylene wuwiwało.
Do jadra pasma njesměš – ale tule směš bahno wirtuelnje wopytać. Stejiš na kromje chójnoweho lěsa. Před tobu leži bahno, kiž so znowa wupřestrěwa a krok po kroku stare pochowišćo přerosće. Widźiš slědy něhdyšich hrjebjow?