Přirodoškitna stacija Njeswačidło z.t.

Přirodoškitna stacija Njeswačidło z.t. je zapisane powšitkownowužitne towarstwo, kotrehož nadawk je, přirodne resursy we wokrjesu Budyšinje zdźeržeć a wutwarić. Do toho słuša nimo škita biotopow a družinow tež sensibilizowanje wobydlerstwa za přirodu a naslědne wuwiwanje kulturneje krajiny w Hornjej Łužicy. Přirodoškitna stacija Njeswačidło koncentruje so na tři jadrowe wobłuki: 1. W přirodoškitnym kubłanju posrědkuje přirodoškitna stacija zamołwity wobchad z wobswětom. 2. Přirodu dyrbiš dokładnje znać, hdyž chceš ju škitać. We wědomostnym dźěle přirodoškita dźe wo konkretne zwěsćenje přirodnych zjawow. 3. Praktiski přirodoškit słuži k zdźerženju jónkrótnych přirodnych bohatstwow. Za to stej kontinuita a zapal wažnej, zo bychu so trajne wuslědki docpěli. W MoSaiKTeiL-projekće přewozmje přirodoškitna stacija Njeswačidło koordinaciju praktiskeho přesadźenja přirodoškitnych naprawow we wokrjesu Budyšinje. Nimo toho přewza hišće entomologiski monitoring a dźěle zjawnostneho dźěła a wobswětoweho kubłanja.