Zjěć přez 360°-foto a wobhladuj so w Hornim dubowym haće!
Tule stejiš njedaloko Drobow w so wuwiwacym bahnje, kiž swoju zańdźenosć hišće w mjenje nosy: Horni dubowy hat. Hat je so w dalokej měrje na suchi kraj přeměnił, woda je nimale pozhubjena.
Něhdy bě Łužiska nižina bohata na bahnach a tymjenišćach. Z wutwarom rybarstwa su ludźo mnohe bahna powodźili a jako rybniki wužiwali. Ale dźe tež nawopak: Hdyž so hat na kraj přeměni a bahnjowki so zasydla, móže po času zaso bahno nastać – kaž tule, w Hornim dubowym haće.
W zažnym nalěću kćěje wołmica. Widźiš te běłe, mjechke čećiki, kotrež kaž małe mróčałki nad bahnom steja?