Zjěć přez 360°-foto a wobhladuj so w bahnje Bartskeje hole!
Stejiš na padnjenej šmrěkchójnje . Jeje zdónk su sej hižo mochi zdobyli, kotrež w hustych pucawkach wokoło tebje rostu. Mjez trawami so w swětle słónca, kiž pada přez rědke króny šmrěkchójniny , nazeleń błyšća.
Tule w Bartskej holi, srjedź UNESCO-biosferoweho rezerwata Hornjołužiska hola a haty, leži 12 hektarow wulke bahno. Woda, kotruž mjezowace nutřkokrajne nawěwy přepušćeja, hromadźi so nad hustej hlinowej pódu – tak nastachu přez lěttysacy sylne woršty pocha.
Něhdy bu bahno wusušene a z šmrěkami posadźane. W MoSaiKTeiL-projekće (2022-2023) buchu hrjebje zamjetane, zo by so wokolina zaso přemačała. Z toho časa so bahnjowki, rězny a syćiny zaso jewja – prěnje znamjenja za to, zo bahno wožiwja.
Po času so šmrěki pozhubja, na jich městnje budu wólše a brězy rosć. Wšako móže tež lěs bahno być – jeli woda wostanje.